Nakatakas na si Hapilon mula sa Marawi

Nagsasagawa na ngayon ng masusing beripikasyon ang Armed Forces of the Philippines (AFP) hinggil sa report na nakatakas na umano ang Emir ng ISIS (Islamic State of Iraq and Syria) na si Abu Sayyaf commander Isnilon Hapilon.

Ayon sa Balitang Ahensiya ng Ahlul-bayt (ABNA24) -Nagsasagawa na ngayon ng masusing beripikasyon ang Armed Forces of the Philippines (AFP) hinggil sa report na nakatakas na umano ang Emir ng ISIS (Islamic State of Iraq and Syria) na si Abu Sayyaf commander Isnilon Hapilon.

Sinabi ni Lorenzana na inatasan na niya ang mga intelligence operatives ng AFP na alamin ang katotohanan sa gitna ng nasabing mga ulat.

Si Hapilon ay may karagdagang reward na P10M matapos pagtibayin ni Pangulong Duterte para sa sinumang makapagbibigay ng impormasyon sa ikaaresto nito buhay man o patay.

Bukod dito ay may nauna nang $5M reward si Hapilon na inilaan ng pamahalaan ng Estados Unidos at P7.4M mula naman sa gobyerno ng Pilipinas.

Naniniwala naman ang AFP na nasa Marawi City pa rin si Hapilon.
Sinabi ni AFP spokesman B/Gen. Restituto Padilla na batay anya sa impormasyong nakuha ni Maj. Gen. Rolando Bautista, Task Force Marawi komander, nasa loob pa rin ng Marawi City si Hapilon
“Hindi po ito napapatibayan. Hindi po ito totoo at naniniwala sila (TF Marawi) na nandoon pa rin si Hapilon,” ani Padilla.

Aniya, unti-unti nang humihina ang pwersa ng Maute sa Marawi sa ika-18 araw ng pakikipaglaban nito sa militar.

“Dami ng mga armas mula sa mga kaaway ay hindi tulad ng karami ng dati; aktibidad ng kaaway ay umunti nang umunti, mga armas ng kaaway ay napamili,” wika pa ni Padilla na patunay na humihina na ang puwersa ng Maute.

Sabi pa ng AFP spokesman, 3 barangay na lamang ang masasabing kontrolado ng Maute group dahil na rin sa matinding military offensive ng AFP laban sa mga terorista.
Nanawagan din ng kooperasyon ang militar sa mga residente sa pagpapatupad ng pag-aresto sa mga Maute group at kanilang mga supporters na kabilang sa arrest order 1 and 2.

Samantala, itinanggi naman ni Presidential Spokesman Ernesto Abella na kabilang si Health Sec. Paulyn Ubial sa target arestuhin habang umiiral ang Martial Law.

“Health Secretary Paulyn Ubial wala sa listahan ng mga ini-order naaresto,” pahayag ni Abella.

Nilinaw din ng AFP na ang desisyon sa lifting ng Martial Law kahit matupad ang ‘liberation’ ng Marawi sa Lunes ay wala sa kamay ng militar.

“Ang pagpapalaya ng Marawi ay kapag ang bawat armadong elemento ay mawawala na sa lungsod,” giit pa ni Padilla.